Documento # 2 : "BAUR, realidade ou mito ?"

Requiem # 2 Revisited © 2001

Xa sabemos o que pensas, que o ritmo das reflexións é trepidante. Que creías meu ? que os 30 créditos do master en "Cabodanos" eran pola cara ?... Pois non.

Ao gran. O Documento # 2 toca un dos pilares base da Madriña, a súa Brigada de Acción Urbana, a BAUR . Como definila ? Célula durminte de Acción continua e intermitente ?. Seica. A verdade e que ninguén sabe "que ou quen" é a BAUR. Ninguén sabe como se autoactiva nin como pasa ao modo "duna". É algo que leva a nosa señora directamente da súa man, pero o caso é que as súas inesperadas accións, rara vez deixan a alguen indiferente. 

A Madriña os bendiga por sempre, por levarnos - cando menos - ata a 5ª dimensión (5D).

Eiquí o está : Documento # 2

"BAUR, realidade ou mito? Apuntes históricos da lenda" by  "Comenta o Comando Lura"

Un requiem sentido foi o parto con cesárea desta reivindicativa experiencia colectiva, concreción dos anceios de todos, sistema autónomo de resposta ante os ataques da malamorte, do sinsentido, da vacuidade.

Daquel edificio moribundo naceu un berro novo. Ao pouco, logo, veu do mar a escura invasión do negro fuel, e deu pé ao rexurdir da enerxía creativa da boa xente da costa, a entrega á causa máis nobre e xenerosa, a do espertar da humanidade que, xa esquecida, aínda algúns levamos dentro.

Brigadas presentes nas manifestacións artísticas, refuxio último desa humanidade perdida que se reinventa cada día, esquecida e apartada da nosa respiración diaria. Co seu esforzo achéganola ao lugar onde moramos, que non é o mesmo que o que desexamos morar.

Esa é a verba; ese é o concepto; ahí está o quid: Acción. Da idea ao acto. Da potencia á historia. Do “Qué facer?” ao “Qué carallo fixeron?”. Da morte vital á vida e á loita.

Revisitar, pois, a cidade, o noso contexto, a nosa contorna. Mudar a Realidade Urbana, espertar aos durmintes, ser o pesadelo das castas e o refuxio e trampolín das ideas.

Quén foi, quén estivo tan atento ás insignificancias, tán importantes nas nosas vidas, para darlle nome á lóxica resposta que, inconscientes, todos agardabamos. Un simple berro na duna solidificou os anceios latentes que habitan a casualidade, convertida, sen saber cómo, na causalidade primixenia. Cando aquel/a dixo, vehemente, “Remolca á madriña!!”, seguro, seguro, seguro, non podía imaxinar a que estaba montando.

Así é, sempre, a vida.

Longa vida ás BAUR, longa vida á vida

Asdo. "Comenta o Comando Lura"

Ben. Antes de nada, agradecer ao Comando "Lura" o seu documento inquedante e ao mesmo tempo revelador... como decilo...moi "BAUR", e como toda boa "reflexion" abre máis camiños dos que pecha e deixa más preguntas que respostas.

a) Foi (é) a BAUR a máxima expresión da incomprendida convicción Madriñenta ?

b) Que proporción de Amigos, Accionistas, Afillados etc... son quen de ver as accións da BAUR en 5D ? ou dito doutro xeito máis duro..."fíxose o mel para a boca do pollino" ?

c) Se todos coincidimos en que a BAUR é unha gran idea ... onde está o diñeiro ($) ?

A Madriña Bless a BAUR e a IO / Comando Lura

Addenda. Tema colateral

Da Catalogación dos Amigos/as, Accionistas/os, Afillados/as e Axentes da Madriña ...

1D. Os de "Esquema Unifilar" ( Caseque ningún , por sorte... )

2D. Os de "Visión plana" ( Moi poucos/as ? ...Non sei)

3D. Os que xa distinguen RM de A Madriña Asociados Ltd. ( % descoñecido)

4D. Os que ao "mundo Madriña" son capaces de lle engadir o factor "temporal" ( Só algúns )

5D. Os que ás "4D" sempre lle suman a emoción através de todos os sentidos ( os imprescindibles)